يا شعب فيق كفى ذل وقهر وهوان
شو بعد عندك حلم غفيان مش واعي
قديش بدنا بعد نبقى متل خرفان
منخاف ذيب الغدر ومنهرب شلاعي
معقول ما في حدا منا شخص فهمان
ونعرف بأنو الغنم عم يذبحو الراعي
يا شعب حلو بقى يتغير العدان
لو ثار كل الشعب بيحطم قلاعي
بيروح ياللي شبع وبيطلع الجوعان
تا يمص دم الشعب ويزيد أوجاعي
لبنان منهن كفر نادى بقلب تعبان
ما في زعيم إفتكر مره بأوضاعي
كل العا حكمي إجو من شلة الزعران
إلا عا نهب الحصص ما في حدا ساعي
لا مي فيي بقي ولا كهربا بتنصان
وسنين صرلي العتم بيكسر ضلاعي
عا وضع مزري صرت يا شماتة الجيران
والدين شعبي أكل وتكاثرو جياعي
حتى الزبالة بقت عالأرض والحيطان
وما ضل منظر حلو لإمتاعي
مازال كلما حدا بيغادر الميدان
إبنو محلو بيجي ما عاد في داعي
رح ضل عاهالوضع كلما الشعب غفيان
باقي فساد وهدر والحكم إقطاعي.
شو بعد عندك حلم غفيان مش واعي
قديش بدنا بعد نبقى متل خرفان
منخاف ذيب الغدر ومنهرب شلاعي
معقول ما في حدا منا شخص فهمان
ونعرف بأنو الغنم عم يذبحو الراعي
يا شعب حلو بقى يتغير العدان
لو ثار كل الشعب بيحطم قلاعي
بيروح ياللي شبع وبيطلع الجوعان
تا يمص دم الشعب ويزيد أوجاعي
لبنان منهن كفر نادى بقلب تعبان
ما في زعيم إفتكر مره بأوضاعي
كل العا حكمي إجو من شلة الزعران
إلا عا نهب الحصص ما في حدا ساعي
لا مي فيي بقي ولا كهربا بتنصان
وسنين صرلي العتم بيكسر ضلاعي
عا وضع مزري صرت يا شماتة الجيران
والدين شعبي أكل وتكاثرو جياعي
حتى الزبالة بقت عالأرض والحيطان
وما ضل منظر حلو لإمتاعي
مازال كلما حدا بيغادر الميدان
إبنو محلو بيجي ما عاد في داعي
رح ضل عاهالوضع كلما الشعب غفيان
باقي فساد وهدر والحكم إقطاعي.
