بربّك خلّيني إحكي وبحبّك بوح: الشاعرة"حلا اسعد

بربّك وقّف حكي وخلّيني قلّك
هالمرّة ما عادت تكفيني اشتقتلك
هالمرّة حتّى الدّم ال بعروقي عشقان
وقلبي اللي جوّاتي خلص بحبّك غرقان
بربّك لا تزيدا عليّ ولا تبررلي غيابك
لك بعشقك والأحلى إنّي بعشق عذابك
لك ولووووو ... بربّك تطلع بعيوني وشوف
كل شي فيّ مغروم وإحساسي مكشوف
بربّك وقّف حكي
خلّي بوساتي ع شفافك يمرقوا
ولمساتك تولّع النّار وكل شي فيّ تحرقو
وخلّي الحلا ال بصوتك يغازل حناني
حسسني إنّك هون وإنّي حدّك إنسانة
بربّك كزدر ع رمشي وعانق عيوني
زيد الخجل ال خلّاني فيك صير مجنونة
علّمني عربش عالقمر ولعندك روح
بربّك خلّيني إحكي وبحبّك بوح